बाँके (राप्ती सोनारी ) फागुन २४-
११३ औं अन्तर्राष्ट्रिय श्रमिक महिला दिवस बाँकेको राप्ती सोनारी गाँउपालिकामा विविध कार्यक्रम गरी बुधबार मनाईएको छ । नेपालमा ‘लैङ्गिक समानतका लागि बलियो आधार, सिर्जनात्मक प्रविधिमा महिलाको पहुँच’ भन्ने राष्ट्रिय नाराका साथ राप्ती सोनारीमा महिलाहरुले पञ्चे बाजा बजाउँदै ¥याली प्रदर्शन गर्नुका साथै हाजीरी जवाफ प्रतियोगिता आयोजना गरेर मनाईएको हो । गाउँपालिका परिसरबाट सुरु भएको ¥याली अगैया बजार परिक्रमा गरि पुनः गाउँपालिकाको सभाहलमा पुगेर कार्यक्रम गरिएको थियो ।
राप्ती सोनारी गाउँपालिका उपाध्यक्ष मनिषा सिंह थारुको अध्यक्षतामा भएको कार्यक्रमलाई सम्बोधन गर्दै प्रमुख अतिथी जिल्ला समन्वय समिती बाँकेका उपाध्यक्ष सीता कार्कीले अव हरेक महिलाले आफूसँग भएको ज्ञान, सीप र क्षमतलाई उजागर गर्न आवश्यक रहेको बताउनुभयो । महिला दिवसकै दिन महिलाहरुले मुक्तिका लागि आन्दोलन सुरु गरेको स्मरण गराउँदै उहाँले पछिल्लो समय महिला नेतृत्व वृद्धि हुँदै गएपनि संविधानमा उल्लेख गरिएका अधिकार प्राप्तीकालागि महिलाहरुले संघर्ष गर्नुपरिरहेको बताउनुभयो । यस्तै विशिष्ट अतिथी राप्ती सोनारी गाउँपालिका अध्यक्ष तप्त बहादुर पौडेलले महिलाहरु आर्थिक रुपमा बलियो नहुँदासम्म हरेक किसिमका शोषणमा परिरहने जीकिर गर्नुभयो । पछिल्लो समय पितृसत्तात्मक सोचमा सुधार हुँदै गएको अवस्थामा अव हरेक महिलाहरुले आर्थिक रुपमा आत्म निर्भर बन्ने तर्फ केन्द्रित हुन उहाँको सुझाव थियो । महिलाहरुलाई लक्षित गरि महिला सशक्तिकरण र विभिन्न आयआर्जन तथा सिपमुलक तालिम गाउँपालिकाले सञ्चालन गरिरहेकोको जानकारी दिँदै उहाँले महिलाको हक अधिकार सुनिश्चित गराउन राप्ती सोनारी गाँउपालिका प्रतिबद्ध रहेको बताउनुभयो । यस्तै कार्यक्रमलाई संबोधन गर्दै राप्ती सोनारी गाउँपालिकाको प्रथम उपाध्यक्ष धनी कुमारी खत्रीले समाज पितृसत्तात्मक तथा पुरुषप्रधान भएकै कारण महिलाहरुमाथि शोषण भइरहेको बताउनुभयो ।
कार्यक्रममा गाउँपालिका अन्तर्गतका नौवटै वडामा रहेका एकल महिला तथा विभिन्न क्षेत्रमा उदाहरणिय काम गर्न सफल १३ जना महिलालाई सम्मान गरिएको थियो । यसैगरी राप्ती सोनारी गाउँपालिकाको प्रथम उपाध्यक्ष धनी कुमारी खत्रीलाई पनि कदर पत्रले सम्मान गरिएको थियो ।
यस्तै दिवसका अवसरमा आयोजना गरिएको हाजिरी जवाफ प्रतियोगितामा ५ वटा समुहको सहभागिता रहेको थियो । जस मध्य राप्ती सोनारी ४ का महिला प्रथम, नेपाली सेना अर्जुन बाण गण शमशेरगज्का महिला द्वितिय र राप्ती सोनारी १ का महिला तृतिय भएका थिए भने राप्ती सोनारी ८ का महिला सानतोना पुरस्का प्राप्त गरेका थिए । प्रथम, द्वितिय, तृतिय हुन सफल महिलाहरुको समुहलाई क्रमशः ७ हाजार, ६ हजार र ५ हजार नगद सहित प्रमान पत्र प्रदान गरिएको थियो भने चौथो हुनेलाई सान्तोना पुरस्कार ३ हजार नगद सहित प्रमाण पत्र प्रदान गरिएको थियो ।
