राप्ती सोनारीका दुई सहित बाँकेमा थपिए ८ संक्रमित

0
428

बाँके, जेठ १३

बाँकेका ८ सहित आज देशभर ९० जना कोरोना संक्रमित थपिएका छन् । स्वास्थ्य तथा जनसङ्ख्या मन्त्रालयले नेपालमा थप ९० जनामा कोरोनाभाइरस सङ्क्रमण देखिएको पुष्टि गरेको छ। मङ्गलवार अपराह्ण नियमित प्रेस ब्रीफिङमा बोल्दै मन्त्रालयका प्रवक्ता डा. विकास देवकोटाले अहिलेसम्म कोभिड-१९ पुष्टि भएका व्यक्तिको सङ्ख्या ७७२ पुगेको जानकारी दिए ।

भेरी अस्पतालमा गरिएको परिक्षणमा नेपालगञ्ज उपमहानगरपालिका २ का एक पुरुष, डुडुवा–१ का २० वर्षीय पुरुष, डुडुवा–२ का २१, ३६ र ४० वर्षीय पुरुष, राप्तीसोनारी–३ का ४६ वर्षीय पुरुष र राप्तीसोनारी–९ का ३८ वर्षीय पुरुषमा संक्रमण पुष्टि भएको हो ।बाँकेको बैजनाथमा भने आज पहिलोपटक संक्रमण देखिएको छ । बैजनाथ–३ का ३० वर्षीष पुरुषमा संक्रमण देखिएको हो ।

बाँके बाहेक आज संक्रमण पुष्टि हुनेहरुमा कपिलवस्तुका २६, रौतहटका २२ जना, सुर्खेतका १२, सिराहाका ५, बाराका ३, महोत्तरी, जुम्ला, गुल्मी, अर्घाखाँची र स्याङ्जाका २/२ र धनुषा, रुपन्देही, कैलाली र अछामका एक/एक जना छन् । यो सँगै मुलुकका ४६ जिल्लामा संक्रमण देखिएको छ ।

हालसम्म सबैभन्दा बढी बाँकेमा १५४ जनामा संक्रमण पुष्टि भएको छ । त्यस्तै कपिलवस्तुमा १०९, पर्सामा ९५, रौतहटमा ६९ र रुपन्देहीमा ४४ जनामा संक्रमण पुष्टि भएको छ । हालसम्म संक्रमण पुष्टि भएकाहरुमध्ये १५५ जना निको भएका छन् भने बाँके, सिन्धुपाल्चोक, गुल्मी र बाराका एकरएक गरी ४ जनाको कोरोना संक्रमणबाट मृत्यु भएको छ ।
अहिले प्रदेश नं ५ र २ मा सर्वाधिक सङ्क्रमित छन् । मङ्गलवार अपराह्णसम्म देशका विभिन्न स्थानमा ५५,२८२ जना क्वारन्टीनमा भएको मन्त्रालयको तथ्याङ्कले देखाएको छ । यो अहिलेसम्म क्वरान्टीनमा भएका मानसिको सर्वाधिक सङ्ख्या हो। तीमध्ये प्रदेश नं ५, प्रदेश नं २, सुदूरपश्चिम प्रदेश र कर्णाली प्रदेशका क्वारन्टीनमा सर्वाधिक सङ्ख्यामा मानिसहरू छन्। उनीहरू अधिकांश भारतबाट फर्किएका हुन्।

अघिल्लो लेखमाबिद्यार्थीलाई प्रभावकारी बन्यो रेडियो शिक्षा
अर्को लेखमादेशभरी एकैदिन ११४ कोरोना संक्रमित थपिए, १८३ जना निको भएर घर फर्किए

तपाइको बिचार दिनुहोस

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्