मङ्सिर २९ गते नेपालगञ्जमा नेपथ्य लाइभ कन्सर्ट, टिकट विक्री सुरु

0
44

नेपालगञ्ज, कार्तिक २५ –


विगत एक दशकदेखि सहयोगापेक्षी सडकआश्रित मानवहरुको सेवा गर्दै आइरहेको मानव सेवा आश्रमले नेपालगञ्जमा नेपथ्य लाइभ कन्सर्ट गर्न लागेको छ । नेपालको चर्चित ब्याण्ड नेपथ्य ब्याण्डसँगको सहकार्यमा मानवसेवा आश्रमको भवन निर्माण र आश्रममा आश्रितको स्वास्थ्य उपचारका लागि आपतकालिन अक्षयकोष स्थापना गर्नका लागि नेपालगञ्ज सहित देशका १० शहरहरुमा कार्यक्रम गर्न लागेको हो । कार्यक्रम मङ्सिर २९ गते नेपालगञ्ज रङ्गशालामा हुने मानव सेवा आश्रमले जनाएको छ ।

नेपथ्य ब्याण्डका चर्चित गायक अमृत गुरुङले मानवता झल्किने र मानवता प्रवद्र्धनमा सहयोग पुग्ने गीतहरु कन्सर्टमा प्रस्तुत गर्नेछन् । नेपथ्य ब्याण्डले यसअघि विभिन्न देश परिवर्तनका नाराहरुसहित कार्यक्रम गर्दै आइरहेकोमा सन् २०२२ मा हुने यस यात्रालाई मानवताका लागि संगीत यात्रा २०२२ नाम दिएको छ ।

मानव सेवा आश्रमको बाँके, नेपालगञ्ज १९ औँ जिल्ला शाखा हो । नेपालगञ्ज उपमहानगरपालिका वडा नं. १०, आदर्शनगरमा रहेको आश्रमको संरक्षणमा ४ बालक, १ बालिका, १ महिला र २१ जना पुरुष गरी २७ जना सहयोगापेक्षी व्यक्तिहरु हुनुहुन्छ ।

यहि बर्षको असार २५ गते औपचारिक रुपमा भाडाको घरमा शाखा उद्घाटन भइ सेवा सञ्चालन गरेको आश्रमले बाँके जिल्ला र यसको आसपासका छिमेकी जिल्लाहरुबाट निरन्तर उद्धार कार्य गर्दै आइरहेको छ ।

नयाँ शाखा भएकोले आश्रम सञ्चालनका लागि दाताहरुसम्म पुग्न केही कठिनाइका बाबजुद आगामी दिनमा वृहत्तर सेवा प्रवाह गर्ने उद्धेश्य आश्रले प्रस्तुत गरेको छ ।

यसै उद्धेश्य अनुरुप मानव सेवा आश्रमको भवन निर्माणका लागि समाजसेवी जयकेश बहादुर सिंह र उनको परिवारका तर्फबाट डुडुवा गाउँपालिका वडा नं. ६ मा जग्गा प्राप्त भएको छ ।

सोहि जग्गामा आश्रमको भवन निर्माण कार्यलाई सुरुवात गर्नका लागि नेपथ्य ब्याण्डसँगको सहकार्यमा नेपालगञ्जमा नेपथ्य लाइभ कन्सर्ट हुँदै छ ।

एक हजार रुपैँया रहेको कार्यक्रमको टिकट मानवसेवा आश्रमको शाखा वा अनलाइनमा (thuprai.com/nepathya) र इसेवा (esewaevents.com) बाट प्राप्त गर्न सकिने छ । 

अघिल्लो लेखमापशु पालक कृषकलाई वडाले दियो घाँसको बिउ
अर्को लेखमाखेलकुद मन्त्री अथकलाई पराजित गर्दै एमालेका ढकाल निर्वाचित

तपाइको बिचार दिनुहोस

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्