बाँके (नरैनापुर) फागुन १९-
बाँकेको नरैनापुर गाउँपालिकामा सञ्चालन गरिएको निशुल्क आँखा शिविरमा एक हजार बढीले आँखा जाँच गराएकाछन् । नरैनापुर गाउँपालिकाको समन्वय तथा तेज कोहली रुइत फाउण्डेशन काठमाण्डौको आर्थिक सहयोगमा फत्तेवाल आँखा अस्पताल फुल्टेक्रा नेपालगञ्जले यहि फागुन १४ गतेदेखि सञ्चालन गरेको शिविरमा एक हजार ८३ जनाले आँखा जाँच गराएकाहुन् ।
ती मध्य ३ सय ६५ जनालाई मोती विन्दुको समस्या देखिएको र निशुल्क अप्रेशनकालागि फत्तेवाल आँखा अस्पताल नेपालगञ्ज रिफर गरिएको शिविरमा खटिनुभएका डाक्टर छन्दुलाल थारुले जानकारी दिनुभयो । नरैनापुरको ६ वटै वडामा सञ्चालन गरिएको निशुल्क शिवरमा ४५ बर्ष भन्दा माथि उमेर समुहका स्थानियहरु आँखा परिक्षण गराएर लाभ लिएका थिए । शिविर शुक्रबार सम्पन्न भएको छ ।
डाक्टर छन्दुलाल थारुका अनुसार ४५ वर्ष पुगेका मानिसहरुमा आँखा धमिलो हुँदै जान्छ र बेलैमा उपचार नगरे जलविन्दु भएर पछि आँखा नदेख्ने समस्या समेत हुन सक्छ । फत्तेवाल आँखा अस्पतालले यसअघि बाँकेको राप्ती सोनारी गाउँपालिकाको सबै वडामा निशुल्क आँखा शिविर सञ्चालन गरेको थियो ।
