राप्तीसोनारी-प्रदेश पाँचका भौतिक पुर्वाधार तथा यातायात मन्त्री बैजनाथ चौधरीलाई राप्तीसोनारीमा स्वागत गरिएको छ । बाँके भ्रमणमा आईपुगेका मन्त्री चौधरीलाई राप्तीसोनारी गाउँपालिका वडा नम्बर १ खासकुश्मा र अगैयास्थित गाउँपालिका कार्यालयमा स्वागत गरिएको हो ।
सो क्रममा प्रदेश पाँचका सांसद कृष्णा केसी ‘नमुना’, गाउँपालिका अध्यक्ष लाहुराम थारु, पुर्व सांसद पट्टु थारु, वडाध्यक्ष, वडासदस्य, गाउँपालिकाका कर्मचारी, सर्बसाधारण लगायतले फुलमाला तथा गम्छाले स्वागत गरेका थिए । सो क्रममा प्रदेश मन्त्री समक्ष राप्तीसोनारीको समग्र भौतिक पुर्वाधार निर्माणको काममा आवश्यक बजेट तथा योजना प्रदान गर्न माग गरेका थिए ।
प्रदेश सांसद केसीका अनुसार दुई दिने भ्रमणमा आएका मन्त्री चौधरीले राप्ती सोनारी र नरैनापुर गाउँपालिकामा पुगेर सडक, सिचाइँ, पुल, खानेपानी, भवन लगायतको अवस्थाबारे स्थलगत अवलोकन गर्र्नेछन् ।
