औद्योगिक क्षेत्रको विषयमा खरो रुपमा उत्रिने नवनिर्वाचित साँसदहरुको प्रतिबद्धता

बाके नेपालगञ्ज, मंशिर १५-

बाँकेमा रहेका औद्योगिक क्षेत्रको समस्यालाई लिएर संसदमा खरो रुपमा उत्रिने बाँकेबाट नवनिर्वाचित साँसदहरुले प्रतिबद्धता जनाएकाछन् । नेपाल उद्योग व्यवसायी महासंघको आयोजनामा विहिबार नेपालगञ्जमा आयोजित नव निर्वाचित प्रतिनीधि तथा प्रदेश सभा सदस्यहरुलाई बधाई तथा शुभकामना कार्यक्रममलाई संबोधन गर्दै सांसदहरुले यस्तो प्रतिवद्धता जनाएका हुन् । बाँकेको नौवस्ता निर्माधिन औद्योगिक क्षेत्रको बस्ती ब्यवस्थापन विवादलाई तत्काल टुङ्गोमा पु¥याउने नवनिर्वाचित साँसदहरुले प्रतिबद्धता जनाउनु भयो । उद्योग ब्यवसायन नफस्टाउँदा सम्म समृद्धिको कल्पना समेत गर्न नसकिने बताउँदै बाँके क्षेत्र नं. २ बाट प्रतिनीधि सभा सदस्यमा नवनिर्वाचित डाक्टर धवल समशेर राणाले बाँकेका उद्योगहरुबाट कर्णाली प्रदेशमा दरिलो लगनीको वातावरण बनाउने तर्फ अग्रसर हुन उद्योगी ब्यावसायीलाई सुझव दिनुभयो ।

कार्यक्रममलाई सम्बोधन गर्दै बाँके क्षेत्र नं. ३ बाट प्रतिनीधि सभा सदस्यमा निर्वाचित किशोर सिंह राठोर, लुम्निी प्रदेश सभा सदस्य रत्न खत्री, बादशाह कुर्मी, कृष्णा केसी नमुना, दुर्गा प्रसाद चौधरीले बाँकेलाई औद्योगिक क्षेत्रको हवको रुपमा विकास गर्ने र भ्रष्टाचार मुक्त देश बनाउने संकल्पका साथ अगाडी बढ्ने प्रतिबद्धता जनाउनु भयो । कार्यक्रममा उद्योगी ब्यावसायी महासंघका केन्द्रीय सदस्य तथा महिला उद्योग परिषदको प्रदेश सह सचिव मिना सुवेदी ढकालले स्वागत मन्तब्य सहत नव निर्वाचित सांसदहरुलाई स्वागत गर्नुभएको थियो । साथै उद्योगी ब्यावसायी महासंघकाका अन्य पदाधीकारीहरुले नव निर्वाचित सांसदहरुलाई खादा र माला लगाएर बधाई तथा शुभकामना दिनुभएको थियो ।